ბათუმში საცხოვრებელი კორპუსის ნგრევის დროს დაშავებული ქალი ინგა მეკეიძე საავადმყოფოში გარდაიცვალა. ის ორი ბავშვის დედაა, რომელთა ცხედრებიც ნანგრევებიდან გუშინ ამოასვენეს.
36 წლის ინგა მეკეიძე წუხელ კლინიკაში გადაიყვანეს. მას რამდენჯერმე გაუჩერდა გული, თუმცა ექიმებმა მისი სიცოცხლის შენარჩუნება დილამდე შეძლეს. დილით კი ინგა მეკეიძე გარდაიცვალა.
შეგახსენებთ, ბათუმში, 26 მაისის ქუჩაზე, 7 სართულიანი საცხოვრებელი კორპუსის ერთი სადარბაზო მთლიანად ჩამოინგრა.
ღამით მაშველებმა ნანგრევებიდან ხუთი ადამიანის ცხედარი ამოიყვანეს.
რამდენიმესაათიანი ინტენსიური საძიებო-სამაშველო ოპერაციის შედეგად, მეხანძრე-მაშველებმა ნანგრევებიდან ასევე ამოიყვანეს ორი დაშავებული, რომლებიც საავადმყოფოში არიან გადაყვანილი.
შსს-მ ბათუმში კორპუსის ჩამონგრევის საქმეზე 3 ადამიანი დააკავა.
