გურამიშვილის გამზირზე მომხდარი აფეთქების გამო კორპუსიდან მოსახლეობის ევაკუაცია განხორციელდა. ამის შესახებ ნაძალადევის რაიონის გამგებელმა შემთხვევის ადგილზე ჟურნალისტებს განუცხადა. მისივე ინფორმაციით, შემთხვევის შედეგად ოთხი ადამიანია დაშავებული, ისინი კლინიკაში გადაიყვანეს.
"ჩვენ შევქმენით საორგანიზაციო ჯგუფი, მოსახლეობასთან მოვახდენთ კომუნიკაციას. პირველ ეტაპზე გავიყვანთ სასტუმროებში და შემდეგ, თუ საჭირო გახდა, დავიწყებთ ქირით გაყვანის პროცედურებს", — თქვა მან.
გურამიშვილის გამზირზე აფეთქება დღეს, დაახლოებით 8:10 საათზე მოხდა. საგანგებო სიტუაციების მართვის სამსახურის ინფორმაციით, აფეთქება, სავარაუდოდ, ბუნებრივი აირის გაჟონვამ გამოიწვია.
თამთა კაპანაძე
ავტორი