მამაკაცი, რომელსაც COVID-19-ი დაუდასტურდა, ზუგდიდში ძმის გასვენებაში იმყოფებოდა. ინფიცირებული 70 წლის პირია, რომელიც ქვეყანაში ლარსის სასაზღვრო პუნქტიდან 12 ივნისს შემოვიდა. ის კარანტინში იმყოფებოდა. PCR ტესტმა კი უარყოფითი პასუხი აჩვენა. 14 ივნისს ძმის გარდაცვალების გამო, ის კარანტინიდან გაათავისუფლეს.
ინფორმაციას ზუგდიდის მერია ადასტურებს. მათივე ცნობით, ინფიცირებული მამაკაცის კონტაქტებიდან შვიდი პირი გადაყვანილია კარანტინში და მიმდინარეობს ღრმა ეპიდკვლევა.
