სოფელ ნამოხვანში გაუჩინარებული ახალგაზრდა კაცის მოსაძებნად დღეს გუმათჰესების კასკადისა და რიონჰესის სათავე ნაგებობის საგუბრების დაცლა იგეგმება.
საგანგებო სიტუაციების მართვის სამსახურის ცნობით, მდინარე რიონში სამუშაოები უწყვეტ რეჟიმში მიმდინარეობს.
„ოპერაციის ფარგლებში, 7 მაისის 08:00 საათიდან 9 მაისის 18:00 საათამდე იგეგმება გუმათჰესების კასკადისა და რიონჰესის სათავე ნაგებობის საგუბარების წყლისგან დაცლა. ტერიტორიაზე იმუშავებენ სახანძრო-სამაშველო ჯგუფები.
საგანგებო სიტუაციების მართვის სამსახური ადგილობრივ მოსახლეობას მოუწოდებს გამოიჩინონ მაქსიმალური სიფრთხილე და იყვნენ ყურადღებით.
აღნიშნული სამუშაობის შესახებ ინფორმაცია მოსახლეობას ადგილზეც მოეწოდება“, - ნათქვამია გავრცელებულ ინფორმაციაში.
შეგახსენებთ, რომ რიონში გაუჩინარებული 27 წლის ნიკა ანთიძის სამძებრო სამუშაოები 10 აპრილიდან მიმდინარეობს.
შინაგან საქმეთა სამინისტრომ მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას ნიშნავს.
