საქართველოს მთავრობის ადმინისტრაციის უფროსი ნათია მეზვრიშვილი კორონავირუსით ინფიცირებულ პირთან კონტაქტის გამო, თვითიზოლაციაში იმყოფება, - ამის შესახებ ნათია მეზვრიშვილი საკუთარ Facebook გვერდზე წერს.
ცნობისთვის, კორონავირუსით ინფიცირებულ დაცვის თანამშრომელთან კონტაქტის გამო, თვითიზოლაციაშია გადასული პრემიერ-მინისტრი გიორგი გახარიაც. ამასთან, კორონავირუსი დღეს პრემიერ-მინისტრის პირადი დაცვის კიდევ ორ თანამშრომელს დაუდასტურდა. აგრეთვე, თვითიზოლაციაში იმყოფება ეკონომიკის მინისტრი ნათია თურნავაც.
