ქუთაისის საერთაშორისო აეროპორტიდან რიგის მიმართულებით ფრენები განხორციელდება. ამის შესახებ გიორგი გახარიამ მთავრობის სხდომაზე განაცხადა.
მისი თქმით, საქართველოს საჰაერო სივრცის ეტაპობრივი გახსნა ეპიდვითარების და ეკონომიკური ინტერესებიდან გამომდინარე გაგრძელდება.
რეისს ავიაკომპანია WizzAir-ი შეასრულებს.
„დღეს უკვე გადავწყვიტეთ, რომ გავხსნათ 1-ლი ოქტომბრიდან ქუთაისიდან პირდაპირი რეისი რიგის მიმართულებით. ეს იქნება ფრენები განხორციელდება WizzAir-ი. ეს არ იქნება ჯერ თამამი გადაწყვეტილება, იქნება მხოლოდ და მხოლოდ კვირაში 1 რეისი. მაგრამ ეს არის პირდაპირი ტენდენცია იმისთვის, რომ გონივრულად, მაგრამ ფრთხილად, ჩვენ ყველაფერი უნდა გავაკეთოთ იმისთვის, რომ ეკონომიკა ამოძრავდეს კიდევ უფრო სწრაფად“, - განაცხადა პრემიერმა.
ბელა გელაშვილი
ავტორი