ამერიკულმა კომპანია Uber-მა კორპორაცია Hertz-თან შეთანხმება გააფორმა. Uber-ის ტაქსის მძღოლებს კომპანია Hertz-ისგან 50 000 Tesla-ს ელექტრომობილის დაქირავება შეუძლიათ. ამის შესახებ Bloomberg წერს.
გამოცემის ცნობით, Hertz-მა Tesla-ს 100 000 ელექტრომობილი შეუკვეთა, რომლის ჯამური ღირებულებაც 4,2 მილიარდ დოლარს შეადგენს.
Uber-ის მძღოლებს საკუთარი მანქანებით უწევთ სარგებლობა, თუმცა 1 ნოემბრიდან Tesla-ს ელექტრომობილების დაქირავება შეეძლებათ. ეს პროგრამა, Bloomberg-ის აზრით, მიმზიდველი უნდა იყოს მძღოლებისთვის.
ხელშეკრულების თანახმად, მძღოლები ავტომობილების დაქირავებისთვის კვირაში 334 დოლარს გადაიხდიან. თანდათან ეს თანხა 299 დოლარამდე დაეცემა.