აპრილში საქართველოს ექსპორტი 27.9%-ით შემცირდა.
საქსტატის დღეს წინასწარი მონაცემები გამოაქვეყნა.
სტატისკის მიხედვით, გასული თვის განმავლობაში ექსპორტმა 223.2 მილიონი დოლარი შეადგინა, რაც 2019 წელთან შედარებით $86.4 მილიონით (27.9%) ნაკლებია.
მკვეთრადაა შემცირებული იმპორტიც, რომელმაც გასული თვის განმავლობაში $458 მილიონი დოლარი შეადგინა. ეს 2019 წელთან შედარებით $286.8 მილიონით (38.5%) ნაკლებია.
ჯამურად, 2020 წლის იანვარ-აპრილში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) $3.46 მილიარდი აშშ დოლარი შეადგინა, რაც წინა წლის შესაბამისი პერიოდის მაჩვენებელზე 11.8%-ით ნაკლებია. აქედან, ექსპორტი $1.0 მილიარდი აშშ დოლარი იყო (11.9 პროცენტით ნაკლები), ხოლო იმპორტი $2.46 მილიარდი აშშ დოლარი (11.8 პროცენტით ნაკლები). უარყოფითმა სავაჭრო ბალანსმა 2020 წლის იანვარ-აპრილში $1.46 მილიარდი აშშ დოლარი და საგარეო სავაჭრო ბრუნვის 42.2% შეადგინა.
საქართველოს საგარეო ვაჭრობის დაზუსტებული მონაცემები გამოქვეყნდება მიმდინარე წლის 19 მაისს.
ბელა გელაშვილი
ავტორი