აზერბაიჯანის ეკონომიკური რეფორმებისა და კომუნიკაციების ანალიზის ცენტრის აღმასრულებელმა დირექტორმა, ვიუსალ გასიმლიმ განაცხადა, რომ ციფრული აზერბაიჯანული მანათის შექმნაზე მუშაობა უკვე დაწყებულია.
ამის შესახებ მან ბაქოში გამართულ მე-5 საერთაშორისო საბანკო ფორუმზე განაცხადა, რომელიც წელს გაიმართა სახელწოდებით - „უნაღდო ეკონომიკა: საიმედო, უსაფრთხო და მდგრადი“.
„ფულთან დაკავშირებით უახლესი რევოლუციური ცვლილება ბლოკჩეინზე დაფუძნებული კრიპტოვალუტების გამოშვება იყო. ციფრული მანათის შექმნაზე მუშაობა უკვე დაწყებულია. ამ საკითხზე მთავრობაში მოლაპარაკებები მიმდინარეობს“, - განაცხადა მან.
შეგახსენებთ, ციფრული ლარი საპილოტე რეჟიმში მოხმარებაში 2022 წლიდან ჩაეშვება.