აზერბაიჯანულ-თურქული ბიზნეს ფორუმის ფარგლებში ხელი მოეწერა ხელშეკრულებას ბაქოს ტექსტილის ქარხნის შვილობილ კომპანია- Beteks– სა და თურქულ Koçaklar Textil– ის საწარმოს შორის.
როგორც ბაქოს ტექსტილის ქარხნის დირექტორი საქინა ბაბაევა განმარტავს, ამ შეთანხმებით, აზერბაიჯანი და თურქეთი 4 ერთობლივ საწარმოს გახსნიან.
"საწარმოები სუმგაიტის ქიმიურ სამრეწველო პარკში. პროექტების ჯამური ინვესტიციის ღირებულება 15 მლნ. აშშ. დოლარია. ჯამში 720 ადამიანს შეეძლება დასაქმება. ორივე ქვეყნის კომპანიები ინვესტიციების თანაბარ წილს ფლობენ. აზერბაიჯანულ-თურქული ინვესტიციით შექმნილი 4 საწარმოდან ორი მომდევნო 6 თვის განმავლობაში უნდა აშენდეს, ხოლო ორი აშენდება მომავალი წლისთვის," - ამბობს ბაბევა.
ცნობისთვის, 18 თებერვალს გამართულ აზერბაიჯანულ-თურქული ბიზნესფორუმის ფარგლებში, საქინა ბაბაევამ, როგორც აზერბაიჯანში ქალთა მეწარმეობის განვითარების ასოციაციის გამგეობის თავმჯდომარემ, ხელი მოაწერა ერთობლივ დოკუმენტს თურქეთის საერთაშორისო ინვესტიციებისა და ბიზნესის კონფედერაციასთან.
"ეს არის ორ ორგანიზაციას შორის თანამშრომლობის პირველი ნაბიჯი. თურქეთის საერთაშორისო ინვესტიციებისა და ბიზნესის კონფედერაციას ჰყავს წარმომადგენლები 167 ქვეყანაში. კონფედერაცია ხელს შეუწყობს აზერბაიჯანელი ქალების მიერ წარმოებული პროდუქციის გაყიდვას უცხო ქვეყნებში,”- დასძინა ბაბაევამ.
.
ბელა გელაშვილი
ავტორი