ლაკი-გაბალას სარკინიგზო სადგური გაიხსნა. რკინიგზა ერთხაზიანია. სარკინიგზო ხაზის სიგრძეა 42,3 კმ, ხოლო მისასვლელ გზებთან ერთად მისი საერთო სიგრძე 44,5 კმ-ს უტოლდება. სარკინიგზო ხაზი ძნელად მისადგომ მთიან რელიეფზე გადის. ბაქო-გაბალას ხაზზე შვეიცარიული კომპანია Stadler- ის მიერ წარმოებული ელექტრო მატარებლები Kiss იმოძრავებენ. მატარებლის საშუალო სიჩქარე იქნება 100 კმ საათში, რაც უსაფრთხო და კომფორტულ მგზავრობას ბაქოდან გაბალაში სამ საათამდე შეამცირებს.
რკინიგზის სადგურის ლაკი-გაბალას მშენებლობა 2018 წელს დაიწყო. პროექტის ფარგლებში გარემონტდა 122 ხელოვნური ინჟინერიული სტრუქტურა, აგდაშის რკინიგზის სადგური, გაბალას რკინიგზის სადგური, გაბალას წევის ქვესადგური და ასევე ჰაჯიალის ქვესადგური. ლაკი-გაბალას სარკინიგზო სადგური 15 მაისს გახსნეს, რომელსაც ესწრებოდნენ აზერბაიჯანის რესპუბლიკის პრეზიდენტი ილჰამ ალიევი და პირველი ლედი მეჰრიბან ალიევა. გახსნის ცერემონიალზე აღინიშნა, რომ რკინიგზის მოდერნიზაცია, აზერბაიჯანის ეკონომიკური პოტენციალის დემონსტრირებაა და სოციალური მდგომარეობის რეალური მაჩვენებელია, რადგან თანამედროვე საგზაო და სატრანსპორტო ინფრასტრუქტურა, პირველ რიგში, მოქალაქეთა მოხერხებულ და კომფორტულ მობილობას მოემსახურება. განახლებული რკინიგზით მოსახლეობა შეძლებს კომფორტულად და უსაფრთხოდ იმოგზაუროს გაბალადან დედაქალაქსა და სხვა მიმართულებებით.
აზერბაიჯანელი ეკონომისტების აზრით, ამ რკინიგზის ექსპლუატაციაში გაშვება მნიშვნელოვანია შიდა და საერთაშორისო ტურიზმის განვითარებისთვის.
”გაბალაში ტურიზმის ეკონომიკური მაჩვენებლები მზარდია:. ბოლო 5 წლის განმავლობაში სასტუმროებში რეგისტრირებული დამსვენებლების რიცხვი 31-ით გაიზარდა. თუ 2015 წელს 5 909 ადამიანი დარჩა სასტუმროებში, მაშინ პანდემიის წინა წელს, 2019-ში, ეს მაჩვენებელი 186,431-მდე გაიზარდა. ამავე პერიოდში სასტუმროების შემოსავალი გაიზარდა 393 ათასი მანეთიდან 30 მილიონ 919 ათას მანეთამდე. ბოლო 5 წლის განმავლობაში სასტუმრო ოთახების რაოდენობა 196 – დან 1 127 – მდეა გაზრდილი.ეს ზრდა განაპირობა ტურიზმის სექტორში მოთხოვნის ზრდამ. ტურიზმმა გაბალაში განავითარა მომიჯნავე სფეროები: ბოლო 5 წლის განმავლობაში გაბალაში საცალო ვაჭრობის ბრუნვა 32% -ით გაიზარდა და 197 მილიონი მანეთს მიაღწია. ამავე პერიოდში საზოგადოებრივი კვების სექტორის ბრუნვა 7 მილიონი 554 ათასი მანეთიდან 14 მილიონ 774 ათას მანეთამდეა გაზრდილი. ახალი სარკინიგზო ხაზის ექსპლუატაციაში გაშვება გაბალაში ტურისტების რაოდენობას გაზრდის. იმის გათვალისწინებით, რომ უცხოელი ტურისტები ურჩევნიათ მატარებლით მგზავრობას, ეს ასევე განსაკუთრებული წვლილი შეიტანოს ტურიზმის განვითარებაში. ” - ამბობს ეკონომიკის ექსპერტი ვუგარ ბაირამოვი.
ბაქო-გაბალას სარკინიგზო ხაზზე სამგზავრო ტარიფები ჯერ უცნობია. ამ მიმართულებით სამგზავრო ბილეთის ფასი იმ დროისთვის დადგინდება, როცა ეს მაგისტრალი სამგზავრო გადაყვანებს ოფიციალურად დაიწყებს. ეს კი, აზერბაიჯანის რკინიგზის პრესმდივნის, ნათავან ბაირამოვის ინფორმაციით, კორონავირუსის პანდემიის დასრულების შემდეგ მოხდება.
"როგორც მოგეხსენებათ, პანდემიის გამო, ქვეყანაში შეჩერებულია რეგიონული და საერთაშორისო სამგზავრო ტრანსპორტირება. ასე რომ, ბაქო-გაბალას მატარებლის ტარიფი ჯერ არ არის დადგენილი. პანდემიის დასრულებისთანავე, ოფიციალური ვებსაიტსა და სოციალურ ქსელებში გავრცელდება ინფორმაცია მგზავრობის საფასურზე ", - ამბობს ბაირამოვი.
ბელა გელაშვილი
ავტორი