ჩინეთი, რუსეთი და აზერბაიჯანი - ეს ის ქვეყნებია, სადაც საქართველომ წელს პირველ სამ თვეში ყველაზე მეტი ექსპორტი გაყიდა. ამის შესახებ ირკვევა საქსტატის დღეს განახლებული მონაცემებიდან, რომლის მიხედვით, 2021 წლის იანვარ-მარტში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 2 773.2 მლნ. აშშ დოლარი შეადგინა, რაც წინა წლის შესაბამის პერიოდთან შედარებით 0.3 პროცენტით ნაკლებია. ოფიციალური სტატისტიკის მიხედვით, 2021 წლის იანვარ-მარტში ათი უმსხვილესი საექსპორტო ქვეყნის წილმა საქართველოს მთლიან ექსპორტში 76.7 პროცენტი შეადგინა.
უმსხვილესი საექსპორტო სამეული შემდეგნაირად ჩამოყალიბდა:
1. ჩინეთი, სადაც წელს სამ თვეში გატანილია 109.8 მლნ. აშშ დოლარის ექსპორტი,
2. რუსეთი, სადაც ქვეყანამ წელს გაყიდა 109.5 მლნ. აშშ დოლარის ექსპორტი
3. და აზერბაიჯანი, სადაც საქართველომ 2021 წლის იანვარ-მარტში დააექსპორტა 104.6 მლნ. აშშ დოლარის პროდუქცია.
2021 წლის იანვარ-მარტში საქართველოს ექსპორტი 820.6 მლნ. აშშ დოლარს გაუტოლდა, რაც 5.2 პროცენტით მეტია 2020 წლის იანვარ-მარტის ექსპორტის მაჩვენებელზე.
ბელა გელაშვილი
ავტორი