ევროკავშირი გლობალურ დათბობასთან საბრძოლველად ინოვაციური ტექნოლოგიების განვითარებისთვის 1 მილიარდ ევროს გამოყოფს. ამის შესახებ ევროკომისიის ხელმძღვანელმა, ურსულა ფონ დერ ლაიენმა, გლაზგოში, კლიმატის კონფერენციაზე სიტყვით გამოსვლისას განაცხადა, სადაც ევროკავშირი-აშშ-ს მწვანე ტექნოლოგიებში ინვესტიციების შესახებ ინიციატივა წარმოადგინა.
მან ასევე აღნიშნა, რომ ევროპის სულ მცირე 100 ქალაქში 2030 წლისთვის ევროკავშირი აპირებს ნახშირბადის ემისიების ნულამდე შემცირებას.
„მოხარული ვარ განვაცხადო, რომ ევროკავშირი ამ ინიციატივაში 1 მილიარდ ევროს დებს“, - განაცხადა ევროკომისიის ხელმძღვანელმა. ფონ დერ ლეიენმა ხაზგასმით აღნიშნა, რომ ეს ინიციატივა შეეცდება მაქსიმალურად ფართო კერძო ინვესტიციების მოზიდვას ტექნოლოგიების განვითარებაში, რაც ხელს შეუწყობს გლობალური დათბობის წინააღმდეგ ბრძოლას.
Glad to launch the #EUCatalystPartnership with @BillGates & @EIB's Werner Hoyer.
— Ursula von der Leyen (@vonderleyen) November 2, 2021
This $1 billion programme will boost investments in climate technologies such as sustainable aviation fuel.
Can't wait to see the technologies emerging with the Catalyst! https://t.co/svKLb2fiqL