ევროპაში გაზის ნოემბრის ფიუჩერსების ფასი გასული 24 საათის განმავლობაში თითქმის 1%-ით გაიზარდა. ამას მოწმობს ICE Futures-ის მონაცემები.
გაზის ნოემბრის ფიუჩერსების ღირებულებამ ნიდერლანდების TTF-ის ჰაბში ათას კუბურ მეტრზე 1085,5 აშშ დოლარს შეადგენდა, ხოლო შემდეგ მცირედით დაკორექტირდა და ამ დროისათვის 1072, 5 აშშ დოლარის ნიშნულზეა.
ევროპაში გაზის ფასი ბოლო თვეებში მკვეთრად გაიზარდა. ჯერ კიდევ აგვისტოს დასაწყისში, ნიდერლანდების TTF-ის ჰაბში ათასი კუბური მეტრი გაზი 515 აშშ დოლარად ივაჭრებოდა, სექტემბრის ბოლოსთვის ეს მაჩვენებელი გაორმაგდა.
ევროკავშირის კომისარმა სამუშაოსა და სოციალური უფლებების საკითხებში, ნიკოლას შმიდტმა განაცხადა, რომ ევროპაში გაზისა და ელექტროენერგიის უკიდურესად მაღალი ფასების გამო, შესაძლოა, მილიონობით ადამიანი გაღარიბდეს.
ევროპის ქვეყნებმა მიწისქვეშა საცავებიდან ბუნებრივი აირის გატანა გასულ კვირას დაიწყეს.
ზამთრის სეზონის წინ მარაგმა ისტორიულ მინიმუმს, 77,13%-ს პირველად მიაღწია.
Financial Times-ის ცნობით, გაზზე ფასის ზრდის ერთ-ერთი მიზეზი არის ის გარემოება, რომ "გაზპრომმა" უარი თქვა უკრაინის გავლით დამატებითი მოცულობების მიწოდებაზე, რომელიც ევროპაში ექსპორტის გაზრდას ისახავდა მიზნად.
