გარემოს დაცვისა და სოფლის მეურნეობის სამინისტროს 23 ოქტომბრის მონაცემებით, სასოფლო-სამეურნეო მიწის მესაკუთრეთა სტიმულირების სახელმწიფო პროგრამის ფარგლებში, 167,000-მდე ფერმერს უკვე დაერიცხა აგროქულები.
უწყების ცნობით, დარიცხული სუბსიდიის ოდენობა 29.2 მლნ ლარს აჭარბებს, საიდანაც სპეციალიზირებულ სავაჭრო ობიექტებში უკვე განაღდებულია 22.7 მლნ ლარზე მეტი. აგროქულების დარიცხვა გრძელდება.
ორი კვირის წინ დარიცხული სუბსიდიის ოდენობა 28.9 მლნ ლარს აჭარბებდა.
შეგახსენებთ, აგროქულები ფერმერებს აგრობარათებზე ერიცხებათ სოფლის მეურნეობის ანტიკრიზისული გეგმის „ზრუნვა სოფელზე და ფერმერებზე“ ფარგლებში.
პროგრამით გათვალისწინებული სუბსიდიის მისაღებად საჭიროა, ფიზიკურ და იურიდიულ პირებს საკუთრებაში ჰქონდეთ საჯარო რეესტრში რეგისტრირებული 0.25-დან 10 ჰა-მდე სასოფლო-სამეურნეო დანიშნულების მიწის ნაკვეთი.
ბელა გელაშვილი
ავტორი