NDI-ის საზოგადოებრივი აზრის კვლევის თანახმად, გამოკითხულთა უმრავლესობისთვის მთავარი ეროვნული საკითხი სამუშაო ადგილებია. კერძოდ, ასე ფიქრობს რესპონდენტთა 48%.გამოკითხულთა 34 %-ის აზრით მთავარი ეროვნული საკითხი ფასების ზრდა/ინფლაცია, 33% ყველაზე მნიშვნელოვან ეროვნულ საკითხად სიღარიბეს, 29 % ტერიტორიულ მთლიანობას, 22% პენსიებს, 19% კი ხელფასებს ასახელებს. ჩამონათვალში მომდევნო ადგილები უკავია სამედიცინო მომსახურებას 18 %, განათლებას 12 %, რუსეთთან ურთიერთობას 12%, ადამიანის უფლებებს 8%, სამართლიანობის აღდგენას 6 % და სხვა.
ეროვნულ-დემოკრატიულმა ინსტიტუტმა რესპონდენტთა გამოკითხვის საველე სამუშაოები 13-დან 29 ივლისამდე პერიოდში ჩაატარა. კვლევაში სულ 2132 დასრულებული ინტერვიუ შედის. კვლევის საშუალო ცდომილებაა 1,7 %.
თამთა კაპანაძე
ავტორი