გერმანიაში წლიური ინფლაციის დონე 2.5 პროცენტამდე გაიზარდა. ამის შესახებ გერმანიის სტატისტიკის ფედერალურმა სამსახურმა განაცხადა.
გამოცემა Deutsche Welle-ს ცნობით, ბოლო 10 წლის განმავლობაში ეს ყველაზე მაღალი მაჩვენებელია. ბოლოს ამ მაჩვენებელმა ინფლაციამ 2011 წლის სექტემბერში იაღწია.
ქვეყანაში ინფლაციის დონე მეხუთე თვეა იზრდება. მარტში ინფლაცია 1,7 პროცენტს შეადგენდა, აპრილში 2 პროცენტამდე გაიზარდა.
ინფლაციის ფონზე, საცხოვრებლის ქირა გერმანიაში წლის განმავლობაში 1,4 პროცენტით გაიზარდა, ხოლო საკვები პროდუქტების ღირებულება - 1,5 პროცენტით. მომსახურების სექტორში წლიურმა ინფლაციამ 2,2 პროცენტი შეადგინა.
ექსპერტების ვარაუდით, უახლოეს თვეებში გერმანიაში წლიური ინფლაცია შეიძლება 4 პროცენტამდე გაიზარდოს.
