მილიარდერმა ილონ მასკმა პირობა შეასრულა და საკუთარ მფლობელობაში არსებული Tesla-ს აქციების 10% გაასხვისა. Report.ge-ის ცნობით, ამის შესახებ საინფორმაციო სააგენტო Reuters წერს.
"გავყიდე საკმარისი აქციები საიმისოდ, რომ მიმეღწია ოფციების რეალიზაციით სამიზნე 10%-ს მიმეღწია და შევეცადე ძალიან ზუსტი ვყოფილიყავი" , - განაცხადა მასკმა.
ჯამში, 8 ნოემბრიდან დღემდე, ილონ მასკმა მის მიერ დაარსებული კომპანიის 13,5 მილიონი აქცია გაყიდა. აქედან 8,06 მილიონი მან გადასახადების გადასახდელად გაასხვისა, რომელთა ვადა 2022 წელს იწურება.
Tesla-ს აღმასრულებელი დირექტორი ილონ მასკი აცხადებს, რომ ის მზად არის, დაახლოებით 11 მილიარდი აშშ დოლარი გადასახადებზე დახარჯოს.
გამოცემა Financial Times-მა მილიარდერი და კომპანია SpaceX-ისა და Tesla-ს დამფუძნებელი ილონ მასკი "წლის ადამიანად დაასახელა".
მანამდე ჟურნალმა Time Tesla-ს აღმასრულებელი დირექტორი ილონ მასკი "წლის ადამიანად" დაასახელა.
მანამდე, Report.ge წერდა, რომ მასკმა "უკანასკნელი სახლი" გაყიდა და ოფიციალურად უსახლკარო გახდა. იგი სამუშაოდან წასვლასა და ბლოგერობაზე დაფიქრდა.