წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2019 წლის III კვარტალში 417.3 მლნ. აშშ დოლარი შეადგინა, რაც 2018 წლის III კვარტალის დაზუსტებულ მონაცემებზე 13.7 პროცენტით მეტია.
საქსტატის ინფორმაციით, მთლიან ინვესტიციებში ნახევარზე მეტი წილი არსებული კომპანიების რეინვესტიციაზე მოდის და ის $258.8 მილიონ აშშ დოლარს უდრის.
2019 წლის 9 თვეში ჯამურად საქართველოში $908.9 მილიონი დოლარის ინვესტიცია შემოვიდა, რაც 2018 წელთან შედარებით 17%-ით ნაკლებია. კლება ძირითადად წლის პირველ და მეორე კვარტალში FDI-ს შემცირებას უკავშირდება.
ქვეყნების მიხედვით, პირველ ადგილზე მესამე კვარტალში დიდი ბრიტანეთია, საიდანაც წლის მესამე კვარტალში $78.4 მილიონი აშშ დოლარი შემოვიდა, მეორე ადგილზე ნიდერლანდებია, საიდანაც ინვესტიცია $68.3 მილიონი იყო, მესამე ადგილზე $43 მილიონით თურქეთია.
ბელა გელაშვილი
ავტორი