საქართველოს ყულევის ნავსადგური, რომელიც ძირითადად ორიენტირებულია თხევადი ტვირთების გატარებაზე, ბოლო ხუთი წლის განმავლობაში პრაქტიკულად ერთნაირ მოცულობას - 1.6 – 17 მლნ ტონას ატარებს, რაც მნიშვნელოვნად ჩამორჩება 2012 – 2015 წლების მაჩვენებლებს, როდესაც 2.1 – 2.5 მლნ ტონას ატარებდა.
ამის შესახებ report.ge-ს საქართველოს სატრანსპორტ დერეფნის კვლევის ცენტრში განუცხადეს ეკონომიკის სამინისტროს მონაცემებზე დაყრდნობით.
ყულევის ნავსადგურების ნავთობის გატარების შესაძლებლობა წელიწადში 10 მლნ ტონას შეადგენსა. გამოდის, რომ ნავსადგური 20% -ითაც არ არის დატვირთული.
ცნობისთვის, ყულევის ნავსადგურში განთავსებულია აზერბაიჯანული კომპანია "სოკარის" ნავთობტერმინალი. "სოკარმა" ინვესტიციები საქართველოს ეკონომიკაში 2006 წლიდან დაიწყო, რამაც ათასობით ახალი სამუშაო ადგილი შექმნა. ამჟამად საქართველოში ფუნქციონირებს ყულევის ნავთობტერმინალი, გაზგამანაწილებელი ქსელი და ბენზინგასამართი სადგურები.
გასული წლის პირველ ნახევარში "სოკარის" ტრაფიკი ყულევის პორტში გაზრდილია. 2020 წლის პირველ ნახევარში აზერბაიჯანულმა სახელმწიფო ნავთობკომპანიამ SOCAR- მა შავი ზღვის ნავთობტერმინალში 890,000 ტონა ნავთობპროდუქტი გადაამუშავა. ამ პერიოდში 2020 წლის პირველ ნახევარში ნავთობი ყულევის პორტიდან არ შემოსულა, თუმცა ამ პორტმა 890 ათას ტონაზე მეტი აზერბაიჯანული ნავთობპროდუქტი გაატარა.
2008 წლის მაისიდან 2020 წლის 1 ივლისამდე, ყულევის პორტში გატარებული იქნა ოთხ მილიონ ტონაზე მეტი ნედლეული და 22.8 მილიონ ტონაზე მეტი ნავთობპროდუქტი.
ტერმინალი გამოიყენება ნედლი ნავთობის, საწვავის ზეთის, დიზელის საწვავის, გაზის ზეთის, მეთანოლის, ჭავლური საწვავის, პროპილენის, თხევადი პიროლიზის ფისოვანი, ნაფტას, იზოპროლის სპირტის, დიზელის საწვავის ულტრა დაბალი გოგირდის შემცველობით, სამრეწველო ზეთით, კონდენსატორების გადასაზიდად.
ტერმინალი ყულევის პორტში SOCAR-ის ტერმინალი ექსპლუატაციაში შევიდა 2008 წლის მაისში, ნავთობპროდუქტების ტრანსპორტირებსა იმავე წლის ივნისიდან შეუდგა.
ტერმინალის ჯამური გამტარიანობა 10 მილიონი ტონა ნავთობის ტვირთია წელიწადში, მათ შორის, სამი მილიონი ტონა ნავთობი, სამი მილიონი ტონა დიზელის საწვავი და ოთხი მილიონი ტონა საწვავი.
ტერმინალის სატანკო მეურნეობის მთლიანი სიმძლავრეა 402 ათასი კუბური მეტრი.
აღსანიშნავია, რომ ერთი წლის წინ, 2020 წლის მარტში, ჩატარებული საქართველო-აზერბაიჯანის ბიზნესფორუმის ანალიზის საფუძველზე "ევროკავშირი-საქართველოს ბიზნეს საბჭომ" დაასკვა, რომ თავისუფალი ინდუსტრიული ზონები შავი და კასპიის ზღვების ქვეყნებისთვის, მით უფრო საქართველო-აზერბაიჯანისთვის, ბევრი შესაძლებლობებისა და თანამშრომლობის საფუძველი შეიძლება გახდეს.
ბელა გელაშვილი
ავტორი