აპრილში საქართველოს ექსპორტი 27.9%-ით შემცირდა.
საქსტატის აპრილის თვის ანგარიში დღეს გამოაქვეყნა.
წინასწარი მონაცემებით, გასული თვის განმავლობაში ექსპორტმა 223.2 მილიონი დოლარი შეადგინა, რაც 2019 წელთან შედარებით $86.4 მილიონით (27.9%) ნაკლებია.
ჯამურად, იანვარ-აპრილში კი ექსპორტის მოცულობამ $1 მილიარდი შეადგინა, რაც წინა წელთან შედარებით 11.9%-ით ნაკლებია.
10 უმსხვილესი საექსპორტო საქონლიდან 7-ის ექსპორტი შემცირებულია.
საქართველოს 10 უმსხვილესი საექსპორტო საქონელი:
- სპილენძის მადნები და კონცენტრატები - $215.6 მილიონი დოლარი, ზრდა წინა წელთან 10.4%;
- მსუბუქი ავტომობილები - $134.8 მილიონი დოლარი, კლება წინა წელთან -12.4%;
- ფეროშენადნობები - $91.8 მილიონი დოლარი, კლება წინა წელთან -21.7%;
- ყურძნის ნატურალური ღვინოები - $55.5 მილიონი დოლარი, კლება წინა წელთან -12.5%;
- მინერალური და მტკნარი წყლები - $37.3 მილიონი დოლარი, კლება წინა წელთან -8.7%;
- აზოტოვანი სასუქები - $36.4 მილიონი დოლარი, კლება წინა წელთან -16.5%;
- ძვირფასი ლითონების მადნები და კონცენტრატები - $31.9 (წინა წელს ამ საქონლის ექსპორტი არ დაფიქსირებულა);
- სპირტიანი სასმელები - $31.3 მილიონი დოლარი, კლება წინა წელთან -3.2%;
- ოქრო - $29 მილიონი დოლარი ზრდა წინა წელთან 38.1%;
- სამკურნალო საშუალებები დაფასოებული - $28 მილიონი დოლარი, კლება წინა წელთან -61.5%;
- დანარჩენი საქონელი – სულ $308.9 მილიონი დოლარი, კლება წინა წელთან -21.9%.
ბელა გელაშვილი
ავტორი