მიმდინარე წლის იანვარში, აზერბაიჯანში საქართველოდან 2 029 ავტომობილი დაექსპორტდა, რომელთა ჯამური ღირებულება 14,176 მილიონ დოლარს გაუტოლდა.
საქართველოს სტატისტიკის ეროვნული სამსახურის მონაცემებით, წლიურ ჭრილში საქართველოდან აზერბაიჯანში გაყიდული ავტომობილების რაოდენობა შემცირებულია 1 165 ერთეულით, ანუ 36,4% -ით.
ცნობისთვის, შარშან საქართველოდან აზერბაიჯანში ექსპორტირებულია 23 348 მსუბუქი ავტომობილი, რომლის ღირებულება 226,3 მილიონ აშშ დოლარს უტოლდება.
მსუბუქი ავტომობილების ექსპორტის რაოდენობა წლიურ ჭრილში 898 ერთეულით შემცირდა.
გასულ წელსვე საქართველოდან აზერბაიჯანში ექსპორტზე გაყიდულია 9,9 მილიონი აშშ დოლარის ღირებულების 1,513 ერთეული სატვირთო ავტომობილი, რაც 146 ერთეულით ნაკლებია,2019 წლის მონაცემთან შედარებით.
ბელა გელაშვილი
ავტორი