სტამბულის საფონდო ბირჟამ, ძირითადი საფონდო ინდექსის მკვეთრი ვარდნის გამო, მუშაობა შეაჩერა. Report.ge-ის ცნობით, ამის შესახებ განცხადებას სტამბულის საფონდო ბირჟა ავრცელებს.
გავრცელებული ინფორმაციით, საფონდო ინდექსის მკვეთრი ვარდნა თურქული ლირის კურსის ცვალებადობით არის განპირობებული.
ძირითადი საფონდო ინდექსის 5%-ზე მეტით დაცემის შემდეგ ვაჭრობის ავტომატური შეჩერების სისტემა ამოქმედდა. ვაჭრობა ნახევარ საათში განახლდა. პარასკევს და ორშაბათს გაცვლა იმავე მიზეზით ერთი საათით შეჩერდა.
დღეს, თურქეთის ეროვნული ვალუტა მკვეთრად გამყარდა. 21 დეკემბრის სავაჭრო მონაცემებით, ერთი აშშ დოლარი 11,67 ლირა ღირს.
