2021 წლის მეორე კვარტალში დაფიქსირებული უმუშევრობის ზრდის ტენდენცია წინა წლის მეორე კვარტალში დაწესებულ შეზღუდვებს უკავშირდება. ამის შესახებ განცხადება ეკონომიკისა და მდგრადი განვითარების მინისტრმა ნათია თურნავამ გააკეთა.
მისი თქმით, სტატისტიკურად უმუშევართა სტატისტიკაში ის პირები ვინც შარშან დაკარგეს სამსახური, მომდევნო პერიოდში აისახნენ.
"ის პოზიტიური ტენდენციები, რომლებიც ფიქსირდება ეკონომიკაში, უკვე მომდევნო თვეებში აისახება უმუშევრობის დონის მნიშვნელოვან შემცირებასა და დასაქმების ზრდაში. ცალსახად პოზიტიურია ის გარემოება, რომ 2021 წლის მეორე კვარტალში სამუშაო ძალის აქტიურობის დონე 50.3 პროცენტიდან 51.4 პროცენტამდე, ხოლო თავად სამუშაო ძალა 44.1 ათასით გაიზარდა“ - აღნიშნა ნათია თურნავამ.
