ამერიკის კინოაკადემიამ "ოსკარი 2021-ის" ცერემონიის ფორმატი დააზუსტა. მისი პრეზიდენტის, დევიდ რუბინის განცხადებით, ორგანიზატორებმა გადაწყვიტეს, ღონისძიებების რაოდენობა შეეზღუდათ, მაგრამ ამავე დროს, ჯილდოების გადაცემა საკმაოდ ტრადიციული იქნება.
”მიუხედავად იმისა, რომ ვიმედოვნებდით, რომ აპრილისთვის პანდემიას უკან ჩამოვიტოვებდით, ჩვენი მონაწილეების და "ოსკარის" ნომინანტების ჯანმრთელობა და უსაფრთხოება კვლავ მთავარ პრიორიტეტად რჩება, ამიტომ ჩვენ საჭირო გადაწყვეტილებების მიღება მოგვიწია.
წელს პირადად დასწრების უფლებას მხოლოდ პრეტენდენტები, მათ სტუმრები და წამყვანები მიიღებენ. ჩვენ ბილეთებს ვერ გავათამაშებთ. ასევე ვერ ჩავატარებთ დამატებით ღონისძიებებს, რომლებიც პირად დასწრებას ითვალისწინებს, მათ შორის, ნომინანტი ფილმების ჩვენებებს.
არ იქნება დაჯილდოების ნომინანტების საზეიმო მიღება, ყველანაირი კოქტეილის წვეულებები.
სამწუხაროდ, წელს ასევე არ იქნება "ოსკარის" შემდგომი მეჯლისები და წვეულებები ლონდონში და ნიუ იორკში”,- განაცხადა მან.
შეგახსენებთ, რომ "ოსკარი 2021-ის" გამარჯვებულებს 25 აპრილს გამოაცხადებენ.
