2021 წლის სექტემბერში დაგეგმილი ბათუმის შავი ზღვის ხელოვნების ფესტივალი არ ჩატარდება, - ამის შესახებ ინფორმაციას ბათუმის შავი ზღვის მუსიკალური და ხელოვნების ფესტივალი ავრცელებს.
„პანდემიისგან გამოწვეული სირთულეების გამო იუნესკოს ადმინისტრაციასთან კომუნიკაციის შედეგად მივიღეთ გადაწყვეტილება, რომ 2021 წლის სექტემბერში დაგეგმილი ბათუმის შავი ზღვის ხელოვნების ფესტივალი არ ჩატარდება.
აქვე გაცნობებთ, რომ რიგით მეცხრე ფესტივალი გაიმართება 2022 წლის სექტემბერში იუნესკოს მაღალი პატრონაჟით,"- ნათქვამია ინფორმაციაში.
ბათუმის კლასიკური მუსიკის საერთაშორისო ფესტივალი დააარსა ქართველმა პიანისტმა, პარტია „ქართული ოცნების“ დეპუტატმა ელისო ბოლქვაძემ.
