გია ყანჩელის ხსოვნისადმი მიძღვნილი კონცერტი და კინოცვენება კინოთეატრ „ამირანში“ დღეს გაიმართება.
კომპოზიტორის შესახებ გადაღებულ ფილმს „სევდის ანგელოზები“ ჰქვია. მისი გადაღება ბერლინში, ბრუსელში, ბაქოში, ანტვერპენსა და თბილისში მიმდინარეობდა. სცენარისტის, თეონა ჯორბენაძის თქმით, ნამუშევარი მოგვითხრობს ხელოვანზე, ვისთვისაც ყველა ეპოქაში ყველაზე მთავარი თავისუფლება იყო.
ფილმში მონაწილეობენ: გიდონ კრემერი, რობერტ სტურუა, გოგი ალექსი-მესხიშვილი, ნინო ანანიაშვილი, ნიკოლოზ რაჭველი, გიორგი ცაგარელი და სხვა.
პრემიერასთან ერთად, კინოთეატრის სცენაზე ქართველი მუსიკოსები ყანჩელის ნაწარმოებებს შეასრულებენ.
