მხატვარი აჩილე პერილი, რომელიც იტალიური აბსტრაქტული ხელოვნების ერთ-ერთი თვალსაჩინო წარმომადგენელია, 95 წლის ასაკში გარდაიცვალა. ამის შესახებ ინფორმაციას სააგენტო ANSA ავრცელებს.
პერილი არტ-გაერთიანება "ფორმა 1-ის" მანიფესტის ერთ-ერთი ავტორი იყო, რომლის მიზანკი აბსტრაქტული ხელოვნების დაცვა გახდა.
როგორც იტალიის კულტურის მინისტრმა, დარიო ფრანჩესკინიმ აღნიშნა, პერილის გარდაცვალებასთან ერთად, "ხელოვნების სამყარომ დაკარგა იტალიური აბსტრაქციონიზმის გამოჩენილი ოსტატი, შეუძლებელი და ირაციონალური გეომეტრიის მხატვარი".
"მისი ნამუშევრები ყოველთვის ასახავდა დიალოგს ავანგარდთან და მე-20 საუკუნის ხელოვნებას დიდი აღიარება მოუტანა", - განაცხადა ფრანჩესკინიმ.
