ამერიკაში მოღვაწე ქართველმა არტისმა დავით დათუნამ მაურიციო კატელანის 150 000$-ად შეფასებული ნამუშევარი „კედელზე მიწებებული ბანანი“ შეჭამა.
„მშიერი არტისტი“ - ასე უწოდა მან თავის პერფორმანსს.
„მე მიყვარს მაურიციო კატელანი და მისი ნამუშევრები. ეს ინსტალაცია ძალიან გემრიელი იყო“, - თქვა მან.
დავით დათუნა მაიამის არტ ბაზელის გალერეის დაცვამ დარბაზიდან გაიყვანა და ახსნა-განმარტება ჩამოართვა. სავარაუდოდ, მას ჯარიმას გამოუწერენ, რომლის ოდენობაც ამ დრომდე უცნობია.
"მე შემიძლია შევჭამო ბანანიც და ბანანის კონცეფციაც, რადგან ხელოვანი ვარ და არა - ჩვეულებრივი ადამიანი", - უთხრა დავით დათუნამ ნიუ იორკ პოსტს.
კატელანის "კედელზე მიკრული ბანანის" ორი ეგზემპლარი 120 000$-ად გაიყიდა. მესამე ნამუშევარი კი, რომელიც ქართველმა არტისტმა შეჭამა, 150 000$ ღირდა.
