კანადელი რეჟისორი ხავიერ დოლანი დრამატული ჟანრის მინი-სერიალს გადაიღებს. ამის შესახებ გამოცემა The Variety წერს.
აღსანიშნავია, რომ ეს ახალგაზრდა რეჟისორის მიერ გადაღებული პირველი სერიალი იქნება. ახალი ნამუშევრის სახელწოდებაა The Night Logan Woke Up. მასზე მუშაობა 2021 წლის მარტის თვეში დაიწყება, ხოლო პრემიერა 2022 წლისთვის არის დაგეგმილი.
მინი-სერიალი მიშელ მარკ ბუშარის ამავე სახელწოდების თეატრალურ წარმოებზე არის დაფუძნებული. სიუჟეტი სამ მეგობარზე მოგვითხრობს, რომელთა ცხოვრება და ურთიერთობა ერთ-ერთი მათგანის გაუპატიურების შემდეგ რადიკალურად იცვლება.
