28 ოქტომბრიდან 15 ნოემბრამდე ლოს-ანჟელესში „შინდისის“ საპრეზენტაციო კამპანია გაიმართება, რომელიც შვიდ პრეზენტაციას მოიცავს. ამის შესახებ განათლების, მეცნიერებისა და კულტურის კომიტეტის თავმჯდომარემ, მარიამ ჯაშმა განაცხადა. ის ფილმის შემოქმედებით ჯგუფს შეხვდა.
„გვჭირდება მაქსიმალური მობილიზაცია, როგორც კინოინდუსტრიის წარმომადგენლებისგან, ისე მედიის და ჩვენი დიასპორის ჩართულობით. ჩვენ ვეცდებით, მაქსიმალური მხარდაჭერა ჰქონდეს ფილმის პრომოუშენს ლოს ანჯელესში“, – განაცხადა მარიამ ჯაშმა.
კომიტეტის თავმჯდომარე იმედს გამოთქვამს, რომ საქართველოს ტერიტორიული მთლიანობისთვის დაღუპული გმირების ისტორია და მათ გმირობაზე შექმნილი ფილმი ოსკარზე წარსადგენი უცხოური ფილმების ხუთეულში მოხვდება.
