„კინოს სახლში“ დოკუმენტური ფილმის „სპადეს“ პრემიერა გაიმართა. ჩვენებას საქართველოს თავდაცვის ძალების წარმომადგენლები და სხვა მოწვეული სტუმრები დაესწრნენ.
ფილმი ლატვიელი საზღვაო ოფიცრის, თეოდორ სპადეს ცხოვრებისა და მოღვაწეობის შესახებ მოგვითხრობს, რომელიც 1917 წელს ბათუმში ჩავიდა და სამხედრო-საზღვაო ფლოტის შექმნაში აქტიური მონაწილეობა მიიღო.
პროექტი საქართველოსა და ლატვიის თავდაცვის სამინისტროებს შორის თანამშრომლობითა და მათი ფინანსური მხარდაჭერით განხორციელდა. გადაღებების ნაწილი საქართველოში, ნაწილი კი - ლატვიის რესპუბლიკაში მიმდინარეობდა.
რეჟისორმა გიორგი თორაძემ დოკუმენტური ფილმი „სპადე“ თეოდორ სპადეს მოღვაწეობასა და საქართველოს წინაშე მის დამსახურებას მიუძღვნა.
