აშშ-ის შტატ ტენესიში ავიაკატასტროფის შედეგად 58 წლის მსახიობი ჯოზეფ ლარა გარდაიცვალა, რომელიც სერიალში "ტარზანი: თავგადასავლების ისტორია" (Tarzan: The Epic Adventures, 1996–2000) მთავარ როლს ასრულებდა. ამის შესახებ ინფორმაციას The Hollywood Reporter ავრცელებს.
მსუბუქძრავიანი თვითმფრინავი Cessna C501 შტატის ტბაში ჩავარდა. მსახიობთან ერთად მისი მეუღლე, ცნობილი დიეტოლოგი გვენ შამბილინიც დაიღუპა.
30-წლიანი კარიერის მანძილზე ლარა 30-მდე ფილმში თამაშობდა. ის ასევე ცნობილია სერიალებით "მალიბუს მაშველები" (1989–2001) და "კონანი" (1997–1998).
