თბილისის საერთაშორისო კინოფესტივალზე გამარჯვებული ნამუშევრები დააჯილდოვეს. „ოქროს პრომეთე“ საუკეთესო მხატვრული ფილმის კატეგორიაში გამარჯვებისათვის დიტო ცინცაძის ფილმს „ჩაისუნთქე, ამოისუნთქე“ გადაეცა. ჟიურიმ განსაკუთრებულად აღნიშნა უტა ბერიას ფილმი „უარყოფითი რიცხვები“, რომელმაც „ადამიანის უფლებების“ კატეგორიაში გაიმარჯვა.
საუკეთესო მოკლემეტრაჟიანი ფილმი, გიორგი სიხარულიძის „მამული“ გახდა. დოკუმენტური ფილმების კატეგორიაში მარი გულბიანის „სანამ მამა დაბრუნდება“ გაიმარჯვა.
ჟიურიმ ასევე, განსაკუთრებული ჯილდო გადასცა დოკუმენტურ ფილმს „გაკვეთილი“, რომელიც რეჟისორმა გიორგი მრევლიშვილმა გადაიღო.
საუკეთესო ოპერატორული ნამუშევრისთვის კი „ბოროტმოქმედი“ დაჯილდოვდა, რომლის რეჯისორიც დიმიტრი მამულიაა.
