თეა წულუკიანი ჩრდილების პროფესიულ სახელმწიფო თეატრს ესტუმრა. საქართველოს კულტურის, სპორტისა და ახალგაზრდობის მინისტრმა დამაარსებელთან და მსახიობებთან შეხვედრა გამართა.
მინისტრმა თეატრის ხელმძღვანელობასა და დასის წევრებს სხვადასხვა პერიოდში ფესტივალებსა და რეგიონულ ტურნეებში წარმატებული მონაწილეობისთვის მადლობა გადაუხადა და აღნიშნა, რომ მნიშვნელოვანია, პროცესი მომავალშიც აქტიურად გაგრძელდეს.
თავის მხრივ, დასის წევრებმა მინისტრს თეატრის სამომავლო გეგმებზე და იმ პრობლემებზე მიაწოდეს ინფორმაცია, რაც თეატრის წინაშე მწვავედ დგას.
„ამ თეატრის გაძლიერება ჩვენი ერთ-ერთი მთავარი პრიორიტეტი იქნება“ - განაცხადა თეა წულუკიანმა.
