მომღერალმა ტინა ტერნერმა საკუთარ მუსიკალურ ნაწარმოებებზე საავტორო უფლებები ხმის ჩამწერ სტუდია BMG Entertainment-ს მიყიდა.
„BMG სიამაყით აცხადებს, რომ შეიძინა უფლებების ფართო პაკეტი როკ’ნ’როლის დედოფლის ტინა ტერნერის ნაწარმოებებზე“, - ვკითხულობთ კომპანიის განცხადებაში.
კომპანია მომღერლის 10 სტუდიური და ორი საკონცერტო ალბომის, ორი საუნდტრეკის და 5 კომპილაციური ალბომის მფლობელი გახდა.
როგორც მსოფლიოს შოუ-ბიზნესის ერთ-ერთი ცნობილი ადამიანი, ტინა ჟურნალ „როლინგ სტოუნის“ მიერ დასახელებულია ყველა დროის ყველაზე წარმატებულ როკ-მომღერალ ქალბატონად და ყველა დროის ერთ-ერთ უდიდეს მომღერლად. მისი დისკების გაყიდული ასლების რაოდენობა 200 მილიონს შეადგენს. სტატისტიკით, მან გაყიდა ბევრად მეტი საკონცერტო ბილეთი, ვიდრე სხვა სოლო-შემსრულებელმა მუსიკის ისტორიაში.
