ქართულ-შვედური წარმოების ფილმი „და ჩვენ ვიცეკვეთ“ საქართველოს კინოთეატრებში 8 ნოემბერს გამოვა. როგორც პროექტის Facebook გვერდზე გავრცელებულ განცხადებაშია ნათქვამი, სეანსები მხოლოდ სამი დღის განმავლობაში გაიმართება. მათ ფილმის შემოქმედებითი ჯგუფი არ დაესწრება. მიზეზად ისინი უსაფრთხოების ზომებს ასახელებენ.
ვრცელდება ინფორმაცია, რომ ჰომოფობიური განწყობის მქონე ჯგუფები ფილმის საწინააღმდეგო აქციების გამართვას გეგმავენ.
„და ჩვენ ვიცეკვეთ“ ქვიარ თემატიკაზე შექმნილი ფილმია, რომელმაც ამ დრომდე ექვსი საერთაშორისო კინოფესტივალის ჯილდო მოიპოვა.
