თბილისში Mercedes-Benz-ის მოდის კვირეული დაიწყო. ღონისძიება დღეს მარჯიელას ფოტოგრაფის გამოფენით გაიხსნა.
31 ოქტომბრიდან მომდევნო ხუთი დღის განმავლობაში ფილარმონიის დიდი საკონცერტო დარბაზში შეკრებილი საზოგადოება პირველად იხილავს ქართველი დიზაინერების 2020 წლის გაზაფხული-ზაფხულის კოლექციებს.
ღონისძიების ფარგლებში, თბილისს მსოფლიოს სხვადასხვა ქვეყნიდან მოდის სფეროში მოღვაწე კრიტიკოსები, ფოტოგრაფები და რედაქტორები ეწვევიან.
Mercedes-Benz Fashion Week Tbilisi-ს ასზე მეტი საერთაშორისო სტუმარი დაესწრება. თბილისში მსოფლიო მოდის დედაქალაქების ისეთი პრესტიჟული სავაჭრო ცენტრებიდან როგორიცაა Galeries Lafayette, Harvey Nichols, Moda Operandi, Browns Fashion და სხვა სავაჭრო ცენტრების შემსყიდველების უპრეცედენტო რაოდენობა ჩამოვა.
გვანცა ჭანტურია
ავტორი