საქართველოს საგარეო საქმეთა მინისტრი დავით ზალკალიანი 18 თებერვალს ბაქოს ეწვევა.
ის მონაწილეობას მიიღებს აზერბაიჯანის, საქართველოსა და თურქეთის საგარეო საქმეთა მინისტრების მე-9 შეხვედრაში, რომელიც ბაქოში გაიმართება.
ვიზიტის ფარგლებში დავით ზალკალიანი ასევე პირისპირ შეხვედრებს გამართავს აზერბაიჯანელ და თურქ კოლეგებთან - ჯეიჰუნ ბაირამოვსა და მევლუთ ჩავუშოღლუსთან.
ამ ფორმატში საგარეო საქმეთა მინისტრების ბოლო შეხვედრა თბილისში 2019 წლის დეკემბერში გაიმართა. მაშინ საგარეო უწყების ხელმძღვანელები შეთანხმდნენ, რომ მორიგი შეხვედრა ბაქოში ჩატარდებოდა.
