თბილისის მერობის კანდიდატმა ნიკა მელიამ განაცხადა, რომ არჩევნების დღევანდელი წინასწარი შედეგებით, ოპოზიციამ პრინციპულად არჩევნები მოიგო. ის საქართველოს მესამე პრეზიდენტს მიხეილ სააკაშვილს მოუწოდებს, რომ შიმშილობა შეწყვიტოს.
"ჩემი სურვილი იქნებოდა, ახლა, როდესაც ოპოზიცია არის გამარჯვებული, მიხეილ სააკაშვილმა შეწყვიტოს შიმშილობა.
რა თქმა უნდა, უკვალოდ არ ჩაიარა მიხეილ სააკაშვილის, როგორც პოლიტიკოსის როგორც თავდადებული ქართველის თავდადებამ დარწმუნებული ვარ, ახლა ის გვიყურებს და მინდა აქედან მივესალმო მას დიდი პატივისცემით. ვუსურვო მას ჯანმრთელობა, ხვალ, როდესაც უკვე შემაჯამებელი ოქმები შედგება და გამოცხადდება ოპოზიციური კანდიდატები გამარჯვებულად, მე მასთან ციხეში შესვლის შესაძლებლობა არ მაქვს, მაგრამ ჩემი სურვილი იქნებოდა, ახლა როდესაც ოპოზიცია არის გამარჯვებული, მან შეწყვიტოს შიმშილობა, რადგან იგი გვჭირდება ჯანმრთელი და ცოცხალი ადამიანი", - განაცხადა ნიკა მელიამ.
