აშშ-ის თავდაცვის მდივნის ყოფილი მოადგილე მაიკლ კარპენტერი აცხადებს, რომ ქართული ოცნების მიერ შარლ მიშელის შეთანხმების დატოვება სამწუხაროა.
კარპენტერის თქმით, შეთანხმება ხელს უწყობდა დემოკრატიულ პროცესებს.
"ეს ძალიან სამწუხაროა. ევროკავშირის შუამავლობით მიღწეული შეთანხმება მხარს უჭერდა კანონის უზენაესობას, პოლიტიკურ ინკლუზიურობას და თანაბარ პირობებს. სამწუხაროა, რომ მმართველი პარტია აქედან გავიდა", - წერს კარპენტერი Twitter-ზე.
ცნობისთვის, "ქართული ოცნების" თავმჯდომარის, ირაკლი კობახიძის განცხადებით ოპოზიციის არაკონსტრუქციულობის პირობებში შარლ მიშელის დოკუმენტმა თავი ამოწურა და შეთანხმება ანულირებულია.
