ესტონეთის მთავრობა AstraZeneca-ს ვაქცინების 900 000 დოზას სხვა ქვეყნებს გადასცემს, მათ შორის აღმოსავლეთ პარტნიორობის ქვეყნებს, რომელთა რიცხვში საქართველო, მოლდოვა, ბელარუსი, აზერბაიჯანი და სომხეთი შედიან. ამის შესახებ პრესკონფერენციაზე ესტონეთის პრემიერ-მინისტრმა, კაია კალასმა განაცხადა.
მისი თქმით, ესტონეთი დაუთმობს ზედმეტ ვაქცინებს ქვეყნებს, სადაც პრეპარატი ჯერ არ მიუღიათ და იმ რეგიონებს, სადაც კორონავირუსის საწინააღმდეგო ვაქცინები ჯერ არ მიუღიათ.
"ეს გადაწყვეტილება უკავშირდება იმას, რომ ესტონეთში ეს ვაქცინები გამოყენებული არ იყო. ესტონეთმა იმაზე მეტი ვაქცინა დაჯავშნა, ვიდრე ქვეყნის მოსახლეობის რიცხვია", - განაცხადა კალასმა.
ვაქცინები როგორც ინიციატივა COVAX-ის საშუალებით, ასევე აღმოსავლეთ პარტნიორობის ქვეყნებისთვის პირდაპირი მიწოდების სახით იქნება გადაცემული.
