საქართველოს პრემიერ-მინისტრი, გიორგი გახარია ხორვატიაში მომხდარ მიწისძვრებს ეხმაურება და სოციალურ ქსელში სამძიმრის წერილს აქვეყნებს.
„ღრმა მწუხარებას გამოვხატავ ხორვატიაში კიდევ ერთი ძლიერი მიწისძვრის გამო. გულითადად ვუსამძიმრებ გარდაცვლილთა ოჯახებს და დაშავებულებს სწრაფ გამოჯანმრთელებას ვუსურვებ. ამ რთულ დროს საქართველო მეგობარი ხორვატი ხალხის გვერდით დგას“, - წერს პრემიერი Twitter-ის გვერდზე.
ცნობისთვის, ხორვატიის დედაქალაქ ზაგრებთან 24 საათის ინტერვალით 5,2 და 6.3 მაგნიტუდის მიწისძვრა გუშინ და დღეს მოხდა.
სტიქიამ 1000-მდე სახლი დააზიანა. ქალაქ პეტრინიას მერის განცხადებით, მიწისძვრის შედეგად გარდაცვლილია ერთი მცირეწლოვანი.
ნანგრევებში კი ამ დრომდე დაშავებული მოქალაქეები რჩებიან.
Deeply saddened by the news of another powerful earthquake in Croatia. My heartfelt condolences to the families of the victims & wishing a quick recovery to those injured. stands together with the friendly people of during these difficult times.
— Giorgi Gakharia (@GakhariaGiorgi) December 29, 2020
