"ქართული ოცნების" თავმჯდომარე ირაკლი კობახიძე არჩევნებში წინასწარი მონაცემების მიხედვით გამარჯვებულ ქალაქებისა და მუნიციპალიტეტების მერებს გამარჯვებას ულოცავს. მისი თქმით, ოპოზიციას არჩევნები პრინციპულად წაგებული აქვს.
"ჩვენ გვქონდა ინფორმაცია, რომ ორ კონკრეტულ მუნიციპალიტეტში ვიყავით მცირედით გადაცილებული 50%-იან მაჩვენებელს. დაფიქსირდა ასეთი მაჩვენებელი ბათუმში, თუმცა დარწმუნებული ვართ, რომ ეს ყველაფერი არ შეიცვლება და გამარჯვება დარჩება ჩვენს კანდიდატებს. მთავარია, „ნაციონალურ მოძრაობას“ არჩევნები პრინციპულად წაგებული აქვს", - განაცხადა ირაკლი კობახიძემ.