„ქართული ოცნებისა“ და ოპოზიციის ლიდერები დღეს მოლაპარაკებებს განაახლებენ. შეხვედრა დიპლომატიური კორპუსის წარმომადგენლების თანდასწრებით შედგება. დიალოგის მეორე რაუნდი 18:00 საათზე დაიწყება.
პოლიტიკოსები საარჩევნო სისტემას განიხილავენ. ოპოზიცია ე.წ. გერმანული საარჩევნო სისტემის შემოღებას ითხოვს. ხელისუფლების წარმომადგენლები კი ამბობენ, რომ ასეთი მოდელი საქართველოს კონსიტუციასთან არ არის თავსებადი.
საქართველოში ევროკავშირის ელჩმა კარლ ჰარცელმა განაცხადა, რომ ევროპარლამენტარებს მოუყვა მიმდინარე მოვლენებისა და დიალოგის შესახებ. მისი თქმით, დღევანდელ შეხვედრაზე „კონსტურქციულ დამოკიდებულებებს“ ელის.
სრულად პროპორციული საარჩევნო სისტემის შესახებ კანონპროექტის ჩაგდების შემდეგ, ხელისუფლებასა და ოპოზიციას შორის პირველი შეხვედრა 30 ნოემბერს გაიმართა. თუმცა, ის უშედეგოდ დასრულდა.
