ამხელა ყურადღებას რომ მითმობს კობახიძე და თან ნერვული ღიმილი აქვს, ესე იგი სწორ გზაზე ვდგევარ - ასე გამოეხმაურა "ერთიანი ნაციონალური მოძრაობის" თავმჯდომარე, ნიკა მელია "ქართული ოცნების" თავმჯდომარის ირაკლი კობახიძის მიერ მისი მისამართით გაკეთებულ განცხადებას.
"რასაც კობახიძე და მისი გუნდი საუბრობს ლაკმუსის ქაღალდია. თუ მართლა უინტერესო ვარ მეგობრებთან ერთად, დამანებე თავი და ისაუბრე სხვა რაღაცაზე,"- განაცხადა მელიამ თოქშოუ "რეაქციაში".
ცნობისთვის, "ქართული ოცნების" თავმჯდომარის, ირაკლი კობახიძის განცხადებით, ნიკა მელია შეზღუდული ინტელექტუალური შესაძლებლობების პოლიტკრიმინალია.
