,,ერთიანი ნაციონალური მოძრაობის" წევრი ხატია დეკანოიძე ,,ფეისბუქის" საკუთარ გვერდზე წერს, რომ ახლა ოპოზიციის ერთიანობა სასიცოცხლოდ მნიშვნელოვანია.
,,ძალიან მნიშვნელოვანია შევინარჩუნოთ ერთიანობა ოპოზიციურ სპექტრში და საერთაშორისო თანამეგობრობის მხარდაჭერა.
ამ ორი ძლიერი ბერკეტით აუცილებლად მივაღწევთ შედეგს. ყველას უნდა გვახსოვდეს, რომ ერთიანობა სასიცოცხლოა", - წერს დეკანოიძე სოციალურ ქსელში.
ცნობისთვის, საქართველოს მესამე პრეზიდენტმა მიხეილ სააკაშვილმა დღეს განაცხადა, რომ პლებისციტზე დათანხმება არ შეიძლება, რასაც ოპოზიციურ სპექტრში არაერთგვაროვანი გამოხმაურება მოჰყვა.
