გორის სამხედრო ჰოსპიტალი მრავალპროფილურია, დაკომპლექტებულია კარგი ექიმებით, აქვთ შესანიშნავი აპარატურა - განაცხადა ზუგდიდის მერობის ყოფილმა კანდიდატმა "ნაციონალური მოძრაობიდან", ანზორ მელიამ "ტვ პირველის" ეთერში.
"გორის სამხედრო ჰოსპიტალი მრავალპროფილურია, დაკომპლექტებულია კარგი ექიმებით, აქვთ შესანიშნავი აპარატურა, სადაც შესაძლებელია ყოველწამიერი მონიტორინგი ჩაუტარდეს, ამიტომ, აუცილებლად უნდა დათანხმდეს, ამით თავის თავსაც გადაარჩენს, ელენე ხოშტარიას, პაატა ბურჭულაძესაც გადაარჩენს და ათეულობით მოშიმშილეს," - განაცხადა ანზორ მელიამ.
შეგახსენებთ, იუსტიციის მინისტრი რატი ბრეგაძე მოშიმშილე მიხეილ სააკაშვილს გორის სამხედრო ჰოსპიტალში გადაყვანას სთავაზობს.
მსჯავრდებული ექსპრეზიდენტის პასუხი ამ შეთავაზებაზე ჯერჯერობით უცნობია.
