საქართველო NATO-ს წევრი ახლავე უნდა გახდეს. ამის შესახებ ევროპაში ამერიკული სახმელეთო ჯარების ყოფილმა მეთაურმა, გენერალ-ლეიტენანტმა ბენ ჰოჯესმა კიევში გამართულ უსაფრთხოების ფორუმზე განაცხადა.
ჰოჯესის შეფასებით, ალიანსში გასაწევრიანებლად უკრაინას უფრო მეტი დრო დასჭირდება.
„მჯერა, რომ საქართველო ახლავე უნდა გახდეს ალიანსის წევრი, უკრაინას კი ამისთვის უფრო მეტი დრო დასჭირდება, თუმცა საბოლოოდ ალიანსს უკრაინაც შეუერთდება,“- აღნიშნა ჰოჯესმა.
შეგახსენებთ, უკრაინაში უსაფრთხოების ფორუმი გაიმართა.
