საქართველოში აზერბაიჯანის საელჩოში აზერბაიჯანის სამამულო ომში დაღუპული შეჰიდების ხსოვნის დღის აღსანიშნავი ცერემონია გაიმართა.
ღონისძიების მონაწილეებმა 12:00 საათზე დაღუპული შეჰიდების ხსოვნას წუთიერი დუმილით პატივი მიაგეს.
ცერემონიას ესწრებოდნენ აზერბაიჯანისა და თურქეთის სამხედრო ატაშეები, ლეიტენანტი პოლკოვნიკი ფუად იბრაჰიმოვი და პოლკოვნიკი მურატ ალტინარი, საელჩოს და SOCAR-ის თანამშრომლები, საქართველოს საზოგადო მოღვაწეები, აზერბაიჯანული საზოგადოების წევრები, მედიის წარმომადგენლები.
ელჩის მრჩეველმა ელდარ ბაირამოვმა საკუთარ გამოსვლაში აღნიშნა, რომ დღევანდელი დღე კიდევ ერთი მიზეზით არის გამორჩეული, კერძოდ, დღეს 28 წელი გავიდა ქალაქ სოხუმის დაცემიდან. ღონისძიების მონაწილეებმა საქართველოს ერთიანობისთვის დაღუპულთა ხსოვნასაც მიაგეს პატივი.
